巨根小菜王 (Closed)

今日去左旺角同朋友食飯，佢話好想食中菜，我地就上網搵下有咩餐廳推介，點知發現左一間新開張餐廳，主推中式小炒，環境比大排擋整齊乾淨，我地就入去去試下啦！我地兩個人坐低即刻點餐，我地先叫一碟炸魚，小小一條入口好鮮甜，炸魚唔會好油膩，入口好香口好香脆，愈食愈停唔到口。之後我地叫左涼瓜黃金磚，苦瓜完全唔會苦澀，好清甜加上有咸蛋黃調味，更加咸香滋味。主食我地叫左干炒牛河，牛肉香口香嫩，唔會乾，河粉好乾身唔會油膩，濃郁醬油味道濃郁。我地口痕又再叫多碟薑蔥生蠔煲，蠔肉大大隻，而且肥美夠香甜，唔會腥而且味道好滋味，薑蔥炒香提升味道。我地下次約埋一班朋友再食過！