燧記廚房 (巧運工業大廈)

Open Now

Now Closed

哩間之前禁晚市時幫襯過幾次，皆因抵食又快。上到黎發覺環境好新淨，有十幾款小炒晚市套餐，一小炒一飯連埋飲品或湯都係$50蚊左右呀，真抵食。菜式有辣有唔辣，有四川風味，亦有常見家庭菜式蒸水蛋。有中湯同幾款罐裝汽水飲品跟餐可選。黑椒牛柳套餐 $54可選小辣，一打開好香，中意佢餸同飯係分隔裝，唔洗d汁同白飯撈暈，牛柳都好林。紅燒馬鈴薯排骨 $50哩個餸都炒得夠鑊氣，薯仔好入味，都係送飯一流既菜式。排骨略為唔夠肥，瘦肉偏多，不過都林既。