Video
Read full review
2017-06-16
1254 views
雖然我住官塘 但曾經有一段時間成日黎呢度 仲成日會幫襯呢間既蒸飯～ 無黎一排，呢度連名都改埋了～ 食晚飯，都真係第一次 呢Ｄ係街坊食堂，所以價錢都係街坊價錢啦～ 更有無敵客飯，都係52蚊~ 散叫的，都好多選擇~ 由小菜到海鮮, 碟頭飯都有~ 是夜朋友發板~ XO醬蝦仁帶子 HKD 80 咁大隻蝦，都唔止叫蝦仁啦，直頭係大蝦啦~ 帶子都唔輸蝕，粒粒都係原粒上架~ XO醬少少辣，帶出海鮮的味道 最重要係，夠鑊氣~ 呢個，聽聞係呢度既招牌菜，好多人黎都叫的 香煎耦餅 HKD 60 耦餅兩面都煎得脆脆的 入過廚房既人都知，咁樣煎法，真係好考耐性同心機的~ (係煎，唔係炸呀) 耦餅入面，仲有一粒粒的蓮耦粒，增加口感~ 一道好有心機既手工菜~ 京都骨 HKD 65 有D似糖醋骨，甜甜的 肉扒很鬆化，食落都啖啖肉，用黎送飯一流~ 避風塘炒鮮魷 HKD 75 呢個避風塘手法真係好正宗 個蒜粒底既炒到勁乾身又香脆~ 鮮魷的話，切得略薄，變得較乾，無左鮮魷本身的彈性和口感~ 炸軟殼蟹 HKD 75 平時都係係日本餐廳食較多 係呢D地方當餸食，都係第一次~ 軟殼蟹既炸粉好透薄，唔係
但曾經有一段時間成日黎呢度
仲成日會幫襯呢間既蒸飯～
無黎一排，呢度連名都改埋了～
食晚飯，都真係第一次呢Ｄ係街坊食堂，所以價錢都係街坊價錢啦～
更有無敵客飯，都係52蚊~
散叫的，都好多選擇~ 由小菜到海鮮, 碟頭飯都有~
是夜朋友發板~XO醬蝦仁帶子
HKD 80
咁大隻蝦，都唔止叫蝦仁啦，直頭係大蝦啦~帶子都唔輸蝕，粒粒都係原粒上架~
XO醬少少辣，帶出海鮮的味道最重要係，夠鑊氣~
呢個，聽聞係呢度既招牌菜，好多人黎都叫的
香煎耦餅
HKD 60
耦餅兩面都煎得脆脆的入過廚房既人都知，咁樣煎法，真係好考耐性同心機的~
(係煎，唔係炸呀)
耦餅入面，仲有一粒粒的蓮耦粒，增加口感~
一道好有心機既手工菜~京都骨
HKD 65
有D似糖醋骨，甜甜的肉扒很鬆化，食落都啖啖肉，用黎送飯一流~
避風塘炒鮮魷
HKD 75
呢個避風塘手法真係好正宗
個蒜粒底既炒到勁乾身又香脆~
鮮魷的話，切得略薄，變得較乾，無左鮮魷本身的彈性和口感~
炸軟殼蟹HKD 75
平時都係係日本餐廳食較多係呢D地方當餸食，都係第一次~
軟殼蟹既炸粉好透薄，唔係成舊粉頭~
而且炸得好鬆化。隻腳仲係脆卜卜的~
平時食軟殼蟹都係食殼多，估唔到呢度既蟹肉都唔少喎~
蒸魚呢家野，真係好睇彩數，唔係間間鋪頭都識蒸架~呢間既師傳就真係好OK
豉汁蒸倉魚
HKD 85
首先，條倉魚比想像中大好多喎~煎得剛剛好，離骨之餘又唔會過老
另一樣要讚下，呢度既豉汁真係較幾好味~貪心既朋友見人地隔離枱既烏頭好正，於是又話要叫~@@
同樣用豉汁蒸，但烏頭肉質比倉魚滑，絕對唔似平時個Ｄ咩明爐烏頭咁嚡烚烚～連平時少食烏頭既我都對烏頭改觀了～
主食方面，無食飯，叫左個乾炒牛河
HKD 40
牛河用番正宗的闊河粉條條都炒得色澤均勻~ 而且唔係成PAT 豉油炒到黑媽媽個D~~
味道偏淡，唔係好濃味個種~
牛肉都係大大塊的
最後的兩個菜都同樣不差通菜較多汁，有D咸~
菜心炒得好青翠嫩綠~
Other Info. :
茶記無廁所，要用公家的~
(The above review is the personal opinion of a user which does not represent OpenRice's point of view.)
Post
