JL Cafe.Kitchen (Closed)

今日同媽媽去左天后買書，經過天后食街又肚餓，間間餐廳都好吸引，行行下見到有間好可愛的餐廳，大大隻熊仔放喺出面，就去食左飯。趣味十足！餐牌選擇非常多，圖文都有。芝士黑松露意大利粉。沒有醬汁，用上欖油炒意粉，黑松露味濃香厚，芝士味道不重，入口不油健康。蜜糖雞翼。蜜糖味道清甜，雞翼烤得香脆多汁，沾上蜜糖有輕輕甜味，雞翼帶點脆口口感出色。野菌薄餅。貓仔的木盤放上薄餅，好趣緻。芝士份量多，茄味突出，入口不覺膩口，菌類份量多菌味濃厚。紅豆咖啡有大量粒粒紅豆，咖啡味濃。