小房子 (Moved) New Location

小房子同大部份樓上cafe一樣都係行文青小新清風。因為佢有個同名嘅花店，所以cafe入面都會用好多花泥做裝飾，少女們嘅影相位！Cafe仲有幾隻喵星人坐陣，每隻貓貓都有唔同樣同性格，好可愛！cafe嘅貓會自由走動，餐廳人客都可以逗下佢哋玩~餐廳供應嘅食物唔太多，而我就揀咗鰻魚茶漬飯，套餐包埋小紫薯同茶碗蒸。鰻魚份量充足，鰻魚尚算新鮮，唔會有腥味，鰻魚燒汁偏甜，加咗茶就會中和返個甜味。小紫薯軟硬適中，甜甜地，可以當飯後小甜點。而茶碗蒸的雞蛋滑嫩，口感不錯。櫻花梅子梳打，紅色嘅小梅子點綴咗粉紅色嘅櫻花梳打，少女感十足，梅子酸酸甜甜，好開胃。