小田田主題餐廳 (Closed)

今日係太子睇完中醫就係附近搵食，見到有間幾田園風的餐廳，加上最近追完大叔的愛，人氣話題絕對係春田田，係睇錯左小田田做春田田的情況下， 就吸引左入去試下啦~平日夜晚客人唔算特別多，唔洗等位就可以入坐。餐廳環境舒服，有田園的感覺。而且食物選擇都唔少~ 啱晒同朋友一齊來食~磨菇湯配紫薯包 - 磨菇湯夠香，紫薯包微熱夠新鮮，味道唔錯。咖喱雞扒配糙米飯 - 咖喱味道雖然香但有點太辣，飯同雞扒的分量偏少，飯仲要有D唔好味的飯焦，真係扣晒分!香煎牛柳粒南瓜汁意粉 - 牛柳粒夠嫩滑，意粉睇落好淋但比想像中有咬口，配南瓜汁唔算最夾但味道其實都唔錯。整體而言，其實質素只算係一般，食物都可以話係一分錢一分貨，幸好坐得舒服，可以加返少少分。如果經過可以試下，但唔需要專程來食。