樂天皇朝 (雅蘭中心)

Open Now

Now Closed

請朋友食生日飯，佢指定想食小籠包，就同左佢黎呢度試下個八色小籠包啦！個主角皇朝小籠包果然係皇牌，幾有驚喜👍🏻。我地一人食四隻唔同味，大部份嘅味都一食就食得出同埋都幾夾個小籠包。佢個小籠包嘅皮做得唔錯，唔會厚又唔會夾起黎好易穿。嚟到一定要食呢個！皇朝擔擔麵比想像中辣，但係差咁啲花生味。個炸饅頭都可以，新鮮炸起唔會好油，然後要點大量練奶😆。甜品就叫左個宮廷驢打滾，又幾好食喎！本來以為係熱嘅，原來係凍嘅好似扁左嘅糯米糍咁，夠煙韌又唔會好甜。飲品我個個薏米水都幾好飲，加左檸檬飲落酸酸地，同埋啲薏米都夠腍。等緊朋友黎嘅時候其實我都食左大半碟小食，係煮過嘅花生加粟子，整得幾入味都唔錯。