Video
Read full review
2020-11-18
1683 views
<<Thursday Couple 為食記👣😋>>每個星期四同男友一齊去搵好嘢食，呢排都對上海菜上咗癮，係咁周圍食小龍Bell ☺️🥳咁啱個日去西九影靚相，行下吹下風。就諗住係OpenRice 搵咗呢間係Element 嘅上海菜試下😉見到佢環境空曠，靚靚咁，順便啱埋打卡，幾 grand 同男朋友拍拖一流🥰最主要係上幾次想食片皮鴨都冇食到！今次就想試下。一去到就見到外面喺開放式嘅，好chill 都幾啱一班朋友仔黎飲酒，傾下計。岀面就唔係我哋今日嘅target , 我地就入左餐廳入面喇！然後發現，入面！勁！大！仲有兩層，我地就坐左係樓上！近窗口位，因為真係好大 ，所以好舒服，環境黎講真係無得彈。之後食上海野就唔少得一壺茶解油膩，我哋叫咗香片，佢哋用一個蠟燭台，托住個玻璃茶壺好靚，啲茶都好香。主角要黎喇，我哋order 咗 一籠小龍包，雞絲粉皮，水煮牛，蛋白瑤柱炒飯，同埋最重要嘅片皮鴨。而我最驚喜嘅係，佢嘅小籠包，因為！真係！好！好！味！好啱我同男朋友口味！以我哋連續食咗幾間餐廳嘅小籠包黎講，我地最中意係呢間！皮薄，肉剛好，滿滿嘅湯，最主要嘅係！佢個湯汁帶有甜味
每個星期四同男友一齊去搵好嘢食，
呢排都對上海菜上咗癮，係咁周圍食小龍Bell ☺️🥳
咁啱個日去西九影靚相，行下吹下風。
就諗住係OpenRice 搵咗呢間係Element 嘅上海菜試下😉
見到佢環境空曠，靚靚咁，順便啱埋打卡，幾 grand 同男朋友拍拖一流🥰最主要係上幾次想食片皮鴨都冇食到！今次就想試下。
一去到就見到外面喺開放式嘅，好chill 都幾啱一班朋友仔黎飲酒，傾下計。
岀面就唔係我哋今日嘅target , 我地就入左餐廳入面喇！然後發現，入面！勁！大！仲有兩層，我地就坐左係樓上！近窗口位，因為真係好大 ，所以好舒服，環境黎講真係無得彈。
之後食上海野就唔少得一壺茶解油膩，我哋叫咗香片，佢哋用一個蠟燭台，托住個玻璃茶壺好靚，啲茶都好香。
主角要黎喇，我哋order 咗 一籠小龍包，雞絲粉皮，水煮牛，蛋白瑤柱炒飯，同埋最重要嘅片皮鴨。
而我最驚喜嘅係，佢嘅小籠包，因為！真係！好！好！味！好啱我同男朋友口味！以我哋連續食咗幾間餐廳嘅小籠包黎講，我地最中意係呢間！皮薄，肉剛好，滿滿嘅湯，最主要嘅係！佢個湯汁帶有甜味，會令人覺得唔厭！食上海一向都會較重口味，食翻小小甜味，就會有另一個胃口咁🤣🤣😋真係好想再食！可惜嘅係佢得四粒！每人得兩粒so sad 🥺當飯食我諗我哋可以食每人三至四籠🤣🤣
之後雞絲粉皮同蛋白瑤柱炒飯就正正常常，粉皮份量正常，當係開胃菜。炒飯就略嫌有少少油，冇乜太特別，如果嗌左小菜想送飯，叫白飯應該都夠！因為炒飯都要百幾蚊。咁就可以慳返啲叫到籠小籠包啦🥳🤪
然後到水煮牛！本身我唔係好食辣，但花椒嘅辣同香又好中意😂女人真係麻煩！然而，我都接受到呢種辣同真係好香，少少麻。同埋食水煮牛嘅重點 我一直都冇放係啲牛到😂一黎我就撈下個底！識食嘅人就知！😂😂啲薯粉先係重點！而佢哋係用左比較幼身嘅薯粉，冇咁彈牙，扣左小小分，因為我食開較粗同闊身嘅！但個味撘夠，不過就一定要配翻啲飯喇，因為真係好惹味！
最後，重點壓軸出場，就係片皮鴨了。因為佢即整，所以製作時間略長，食左一半，佢先到，不過我哋都滿心期待。果然都冇失望，但就冇乜特別驚喜位，同埋片皮鴨個包皮本都略厚，所以啲皮就食唔曬喇，食曬啲鴨！但整體真係不錯，唔會覺得太油膩。
讚！我哋都話又食左餐好食嘅上海野！可以覆桌😂😂🤣🥰
Post