愛點心 (Closed)

好幾個住喺西環附近嘅朋友都推介呢一間愛點心嘅生煎包😯話佢同傳統嘅生煎包唔一樣 入邊好多肉汁 好似小籠包咁 忍唔住 都係要試一試😮＄26四個 個盒大約喺麥當勞巨無霸包嘅size 一般點心價啦買嗰時姐姐好貼心咁樣提我地用筷子食 唔好用叉拮 費事一拮就爆曬啲汁出嚟😛一咬落去 係真係多汁嘅 次次直頭爆埋汁 想影都影唔到😂😂😂 大家參考下圖 盡量想像下啦但係多汁還多汁 唔好真係諗到佢同小籠包一樣 啲汁唔係好濃嘅湯 又同小籠包唔一樣冇薑絲陪襯 味道係小籠包win🙊 至於口感方面呢 生煎包個包面又煎得硬咗少少 值得一讚嘅係佢啲湯冇浸淋晒個包 但係相比之下我仍然係覺得小籠包嗰隻包皮同湯汁比較夾🧐 所以口感方面唔好意思 又係小籠包win😂整體而言 我覺得係可以一試嘅 尤其是各位生煎包嘅愛好者😛 可能會有驚喜喔 但係如果講到要專程入嚟試吓呢 就不如食個小籠包好過啦