小老板 (太安樓)

Open Now

Now Closed

餐廳：小老板地點：西灣河太安樓，麥當勞隔離菜式：上海菜餐牌：上海點心，上海麵點，酸辣湯，風味小食，飲品生煎包 $12 3隻生煎鍋貼 $12 3隻兩款生煎點心用個膠盒裝住，入面再加張吸油紙吸油。生煎鍋貼個底好脆，入面個餡有菜有肉，唔算油膩。生煎包皮都係整到燶底，麵包軟熟，入面肉餡都唔錯，如果多d肉餡就更好。菜肉雲吞 $20 6粒個湯非常熱辣辣，仲加左蔥花。雲吞都好大粒，皮算薄而入面肉餡同菜餡都唔少，可以話係皮薄餡靚。魚蛋 $8 5粒燒賣 $8 5粒魚蛋雖然唔大粒，不過口感都唔錯，唔會太淋或者太粉，味道帶微微魚味。燒賣口感都係唔錯，size比魚蛋更大粒。加上秘製辣醬味道好好。酸辣湯 $20 一碗酸辣湯熱辣辣，入面超多料，有鴨血，菇菌，豆腐，鷄肉，啖啖都有料，飲落少少似食緊碗仔翅，味道少酸少辣，我覺得好惹味，正。膠兜膠碗唔易漏，拎到返屋企都無出事。價錢超抵食，太安樓果然多平民小食。