Passion (朗豪坊) (Closed)

普普通通西餐2018/10/20星期六嘅晚上，於朗豪坊內竟然有西餐廳還有空位，抱住試味心態我地3人行入咗店內。店內有銷售$128套餐，指定意粉能有沙律，湯or飲品。但朋友們一入去就被店內自家麵迷惑，所以沒有點套餐。我們3人點了一個四季pizza 🍕，一個煙三文魚“40”隻蛋黃製麵黑松露意大利飯。令人失望嘅一餐，平均每人約$70但食的質素卻強差人意。煙三文魚40隻蛋黃製麵，聽到已經覺得恐怖，但兩位朋友聽到40隻蛋黃製，仲雙眼發光，不斷強調有興趣，我都唔敢話自己近來直情食蛋白唔食蛋黃，煙三文魚好咸，麵好乾不特別好食，都聞唔到蛋香味。但此店賣點在於自家製麵，這質素能作招牌特色菜?黑松露意大利飯沒有黑松露香味但飯粒口感剛好，忌廉令整個飯有點膩，總覺得不特別出色。四季🍕pizza,分好了四格，相同醬汁，pizza芝士足夠，有拉絲效果，麵包底整體較厚，邊緣有小小脆口感，算是不錯但整個pizza材料非常少特別唔抵食。下次黎旺角，盡量唔會再入朗豪坊食嘢，要食dinner都盡唔會再黎依間，坐得唔舒服，食物唔特別好食，又唔抵食。