小草十八怪石鍋米線 (Closed)

小草十八怪石鍋米線，餐廳冷氣夠，米線食到最後一啖都仲熱，係旺角，交通方便仲要平，你試過未？小龍蝦鯛魚炸醬米線，湯底揀左唔係好辣既香辣金湯，味道係類似港式既香辣車仔麵湯底，2隻小龍蝦非常好味，鯛魚好爽脆，加4蚊就食到，好扺㗎～朋友叫左肥牛生菜炸醬煲仔麵，配酸菜魚湯，湯底酸度唔會好高，配炸醬都好夾，生菜份量多，肥牛質素都好高。食完米線再食串燒。叫左燒茄子，羊肉串，雞肉同海蜇。餐廳燒肉質素甚高，肉質好滑好juicy，價錢又ok。而燒茄子既炸蒜味好重，夠曬香呀～