真味鮮廚

Open Now

Now Closed

朋友即興旺角約飯局，第一時間諗起呢間，因為唔book位的話呢間通常都仲有位，果然7點鐘黎到唔洗等位值入。 服務員正常態度，做事都勤快，斟茶上菜時間都合理唔洗追。 四個人order如下：花膠佛跳牆$168因為喺六人份量，我地四個人平均每人飲兩碗多啲。湯好足料，見有鮑魚、花膠、豬瘦肉、冬菇、淮山、雞腳……湯味濃郁，超贊！（不過唔記得影相） 晚市優惠孖寶$238招牌燒鵝皇(例)清蒸虎杉斑據知佢地係海港集團，所以燒鵝都有番咁上下好味。而條魚目測應該足一斤重， 好新鮮，不過輕微蒸過左龍，但$238冇炸型啦 枝竹羊腩煲送唐生菜$168份量幾大份， 味道一般，不過啲生菜洗得唔乾淨...... 燒汁安格斯牛柳粒$138味道正常，牛柳粒冇乜味及過熟臘味糯米飯$98雖然唔係生炒，但味道唔錯幾出色，推薦！ 最後埋單$979 （連啤酒茶位)，坐得舒舒服服，價錢都合理。