真味鮮廚

Open Now

Now Closed

今日在這間酒樓飲早茶,我坐低後,大一位女服務員由茶水房出來,我對她說了一聲早晨,她亦有回應我早晨,於是我對她說我要一壼香,她望一望後便走了,這就是香港某些服務員的待客的態度

第一次午市時段去幫襯，感覺好差！2位搭檯冇問題，但安排大堂中央密密麻麻檯，張檯仲未執，超級嘈吵！我見邊位有兩張吉檯，我便要求轉檯，服務員即刻大叫轉檯都要搭檯架！.....無言....11：23 落單，11：57先黎冰凍碧綠帶子腸，唔熱嘅煎釀雙寶，漿糊皮既鮮蝦菜苗餃，有粉狀蟹柳嘅鮑魚棉花雞，隻碟好有特色中間突起！章魚肉餅飯，只見章魚碎唔見肉餅。服務態度：座位安排差、上菜員有禮、埋單員尚可。環境：唔怕逼唔怕嘈先好嚟！食物：唔夠熱

休假想去海港喝茶，沒想到已換名，旺角區域現在沒幾家傳統酒樓了，之前老是雅蘭中心稻香，不過服務態度真的嚇我一跳，不敢再去，食物上來時是凍的，看到好多人就試一下吧，服務員安排搭臺，看全場都是搭無所謂了，嘩啦啦就點了6款點心，上菜好快，味道不錯～每款菜品上桌都是熱乎乎的，點過贊有驚喜，其中鮑汁雞腳味道調配非常好，火候掌控得非常好，有嚼勁吃起來不費牙緊，很和我愛惜牙齒之人，還有蒸魚暈，頂上面竟然用酸薑蓋上，一點都不腥魚暈好新鮮，味道調配非常好！時日消費才220元！又找到一個喝茶好地方了，提醒一下，這家店洗手間的衛生真的要改善改善

今日嚟到旺角嘅真味小廚體驗咗一頓比較平民化嘅宴會。首先，乳豬全隻一上桌，我正！外皮金黃酥脆，食落超正點，真係叫人停唔到口🤤。再講吓佢哋嘅蜜汁叉燒啦，啲肉腍得嚟香得嚟甜，簡直係非一般。當然，仲有啲海鮮，龍蝦嘅鮮味同肉嘅彈牙，正！呢度嘅氣氛係熱鬧嘅，感覺好親切， 就算係大廚房裡面都有嘢同你傾。雖然今次食嘅圍數多，但我覺得啲員工都算係應付得嚟，唯獨等位嘅時間有少少耐。總之，今次嘅體驗真係挺滿意，食物新鮮、分量充足又匠心獨運，幾有家嘅感覺。吹水飲茶，食下平價嘅套餐，呢個價錢，真係幾抵㗎！下次一於嚟試吓佢哋嘅蒸氣石鍋飯好啦，期待ing！🍚🥢👍

唔知係咪我屋企附近茶樓又小野食又貴呢，呢間飲茶真係又抵又多野食，有d舊式點心都仲有得叫，仲唔係出面茶樓咁基本既菜式，叫左好多野食，總括都係好食既，最令人驚喜埋單果時，點解可以咁平架😂

之前已經食過一次家人對真味鮮廚評價有讚冇彈爸爸生日指名要再食{滷水掌翼$48}滷水汁好味 夠哂入味{青瓜海蜇$48}醬汁酸酸地帶點輕輕既辣 十分惹味平時不吃辣的我也接受得到海蜇竟然是海蜇頭 口感豐富爽口 少地方吃到 必點👍🏻{沙薑豬手粒$48}最喜愛食軟骨 滿滿的骨膠原{新鮮菠蘿咕嚕肉$118}咕嚕肉始終係酒樓食先夠鑊氣 酸酸甜甜夠開胃{龍躉兩味$298}惹味 魚肉大大塊啖啖肉{長腳蟹孖寶$788}金牌燒鵝(例)+清蒸長腳蟹燒鵝肉汁juicy嫩滑兩斤半重 睇落唔算好大隻 拆開蟹腳相當肥 而且夠新鮮{長腳蟹孖寶$728}豉椒炒蜆+椒鹽長腳蟹蜆比較瘦同樣兩斤半重少少辣 適合重口味嘅人 個人認為蟹新鮮 清蒸比較好食{瑤柱蛋白炒飯$78}夠鑊氣 粒粒分明📍真味鮮廚 (旺角)旺角洗衣街39-55號金雞廣場1樓

當晚同一班朋友用餐，眼見全場都只有我地呢檯叫蒸海鮮，心諗質素唔知好唔好。海鮮開始送黎，有龍蝦，蜆、鮑魚、蝦、雞、另外因為呢個係四人餐既關係，所以額外添加多個馬拉糕同埋聖子。開始逐樣逐樣蒸，最深刻印象就係個龍蝦同埋蟶子，鮑魚就韌咗啲，好難切開嚟食。整體海鮮都好新鮮，係蜆嗰度有幾粒仔蒸完兩轉都係唔開口，就要求侍應更換，餐廳都好好，肯更換俾我哋。全場侍應係唔夠人手，所以初初有個侍應好好，話肯幫我哋蒸海鮮，但係最後都冇再返嚟幫我哋，但係我哋都明白嘅。到最後，食最精華嘅粥底。由生米開始煮到尾，有江瑤柱粒同埋好似淮山碎嘅嘢。所以個粥底係非常非常之鮮甜好味，每人都分到3碗。

朋友即興旺角約飯局，第一時間諗起呢間，因為唔book位的話呢間通常都仲有位，果然7點鐘黎到唔洗等位值入。 服務員正常態度，做事都勤快，斟茶上菜時間都合理唔洗追。 四個人order如下：花膠佛跳牆$168因為喺六人份量，我地四個人平均每人飲兩碗多啲。湯好足料，見有鮑魚、花膠、豬瘦肉、冬菇、淮山、雞腳……湯味濃郁，超贊！（不過唔記得影相） 晚市優惠孖寶$238招牌燒鵝皇(例)清蒸虎杉斑據知佢地係海港集團，所以燒鵝都有番咁上下好味。而條魚目測應該足一斤重， 好新鮮，不過輕微蒸過左龍，但$238冇炸型啦 枝竹羊腩煲送唐生菜$168份量幾大份， 味道一般，不過啲生菜洗得唔乾淨...... 燒汁安格斯牛柳粒$138味道正常，牛柳粒冇乜味及過熟臘味糯米飯$98雖然唔係生炒，但味道唔錯幾出色，推薦！ 最後埋單$979 （連啤酒茶位)，坐得舒舒服服，價錢都合理。

自從無再搞「死佬飯局」，就好耐無食過啲海鮮餐，最近，就有死佬移居楓葉國，所以，人少少點都要搞番一次海鮮餐，聚聚又好，餞行又好，總之幾個死佬搞個小局擦番餐。其中一位老死早前試過「真味」嘅蒸鍋餐，大讚交足貨，其他人都費事諗，就呢間啦。 雖然話分時段，我哋揀頭輪，不過，因為無第二輪客，所以，我哋繼續坐、繼續食，其他個環境唔錯，枱未算拍得好逼，而且，有啲透明大膠板隔一隔，感覺唔錯。 介紹番今晚嘅主角「龍蝦鮑魚海鮮蒸鍋餐」，4位用，收$1,180，但另收茶芥，再加一，埋單價要$1,355。成個套餐內容都幾豐富，包9樣蒸鍋食材，加個瑤柱排骨粥底，加送健康飲品一渣及大枝裝啤酒一枝。 是晚嘅健康飲品喺竹蔗茅根，啱晒我哋，再者，我哋咁多個都唔好酒，所以，換多枝竹蔗茅根先。都相隔咗幾件年無食過海鮮蒸鍋，依定啲器具又先進多一步，好似個蒸爐蓋，已加裝透明玻璃，更方便睇到裡面食物嘅狀況。不過，如果講啲嘢熟唔熟，都喺睇番餐牌嘅建議晚間，再用個電磁爐嘅時間制嚟控制就最方便。 上文都講過套餐會包個粥底，所以，開得爐，就由侍應出手，將瑤柱碎、排骨、南瓜、銀杏同米，放晒晌鍋底等佢慢慢熬，最後就有鍋靚粥食。 澳洲龍蝦 餐牌

自從上次吃完火鍋後吃上癮了，便決定在公司附近找找有沒有吃火鍋的地方。這家看起來應該新開的，地方寬闊，空間感很足，最吸引我們的就是這個吃到飽海鮮火鍋套餐。飲料櫃的選擇很多，有幾款自家製特色飲品，啤酒也有三款，讓我們驚喜的是竟然有丹麥的FAXE啤酒，其他還有各種罐裝飲料。醬料自助吧的選擇不少，有差不多十款。先吃重慶雞鍋，雞肉挺嫩的，濃郁的醬汁香辣撲鼻，味蕾上的刺激打開了我們的胃口。在等待火鍋的時候，刺身拼盤就上來了，有三文魚，帆立貝，北寄貝，吞拿魚和兩隻鮑魚，非常豐富而且很新鮮。吃完刺身以後火鍋就上來了，湯底我們選了四川麻辣湯鍋，遷就嗜辣的我。湯頭辛辣度的平衡恰到好處，煮火鍋料的時候不會搶走食材的鮮味，裡面已經附有滿滿的蘿蔔和油豆腐。每位各有一隻巨型水餃皇，坦白說是真的非常足料啊，塞到滿滿的。特級安格斯肥牛，我們的是兩至三人份，肥牛片油花分佈平均，肉質很香嫩，配上麻辣湯更香味四溢。重量級的就是波士頓龍蝦海鮮盆，裡面的海鮮根據時令而改變，所以有機會每天不同。配料有鮮魚片，扇貝，蜆，蟶子，蝦子，還有中間的大龍蝦，新鮮當然是不在話下，而且份量絕對是非一般的多，吃完所有東西都已經不用加點其他了。吃

真味燒鵝皇🤤燒到皮脆肉香，唔會太肥，肉質結實，鵝香味濃，不需加任何調味，原汁原味最好食👍🏻一品脆燒雞🐥燒到外皮香脆，雞肉幾嫩滑，充分鎖住肉汁，唔會有過多油份😋鴻運乳豬🐷外皮好香脆，不過脂肪層較厚，食落會比較油，油香味會比肉味濃，適合鍾意食偏肥嘅人😂上湯木耳腐竹浸節瓜食咗咁多肉係時候食返個菜平衡油膩感，節瓜清甜，木耳爽脆，上湯非常清，不過節瓜煮得有啲耐所以淋晒。西蘭花炒帶子珊瑚蚌🥦西蘭花爽脆青綠，珊瑚蚌和帶子爽口鮮甜，只係珊瑚蚌同帶子嘅份量比較少。脆皮燒腩仔👍🏻👍🏻👍🏻外皮燒得好香脆，內裏肥瘦適中，層次分明，亦唔會太鹹，唯一挑剔係有啲位置燒焦左。燒乳鴿：外皮幾香不過就唔係太脆，肉質結實不個比較乾身，乳鴿香味濃。紅燒豆腐煲豆腐好香，吸收晒所有嘅醬汁，好惹味，粒粒外皮都係金黃色，裏面都幾滑😍豉椒炒蜆蜆肉都幾大隻幾肥美鮮味，而且全部都開晒，芡汁幾香幾惹味但係鹹左少少同太稠，有少少喧賓奪主搶咗蜆肉嘅鮮味。🧀芝士龍蝦焗伊麵🦞龍蝦炸到香脆，內裏肉質彈牙鮮味😍，芝士味雖然唔係太濃，不過我認為啱啱好唔會搶咗龍蝦嘅鮮味，撈埋伊麵食好正👍🏻👍🏻👍🏻整體來講，中菜嘅水準不錯，好有鑊氣上碟嘅時候仲係熱辣辣，食材

以前未轉手之前經常黎食團年飯局，屋企人貪佢容易book位， 可以估計到食物水準……。今次都係屋企人book，黎到先知已經轉咗另一間，第一次食出奇地驚喜, 11人食, 冇一個詐型, 個個都話啲餸好食食物 柯打12個小菜, 基本上碟碟都有一定水準, 上碟亦唔馬虎，所以唔續一評論了服務 服務員都好友善， 我哋後加一碟餸要等耐D是常識吧！不過叫經理幫手追追，佢又真係一震間追返嚟， 我哋仲講笑話係經理自己炒畀我哋食😅衛生 有改善空間， 基本上餐具 係可以嘅，我哋發現其中一隻匙羹好似未洗咁， 不過冇損我哋對呢間嘅好評可能中秋節所以小菜選擇唔多， 服務員推介我哋食套餐，但我哋唔鍾意佢亦都冇hard sell。 整體用餐過程舒暢愉快，下次家庭飯局應該再encore

今日食中秋節飯，家人已訂了18:00-20:30準時到達，見到有套餐和散叫，我們最後決定散叫再加白飯，結帳不用千八都幾抵食，始終在中秋時間價錢感覺都高了少許。味道一半半好味，整體都可以，坐得舒服不過待應比較少。 半隻雞豉油同炸雞份量感覺比較細隻，不過味道不錯，口感就一般起碼不鞋身，食叫了口水雞不好吃又不辣，豬手粒反而可以不用咬骨幾方便。咕嚕肉好味豬肉味夠醬汁似士多啤梨汁幾酸又不會太杰身，海蝦伊麵蝦口感正常，麵質比較淋身。涼瓜牛肉的涼瓜幾好但牛肉好碎又冇口感，乳鴿豉油皇不錯，如咸度減少點更好。炸豆腐好味差不多每人都滿意。小炒皇料不夠。

母親節前兩日當日我哋book咗兩張枱食蒸海鮮（提前兩星期book位）海鮮好新鮮，＄1088四位。我哋叫咗兩set。真係有好多嘢食，鮑魚好大隻南非鮑， 蒜蓉扇貝，牛肉， 沙巴龍躉，鮮蝦丸鯪魚肉丸，蜆，淮山，仲有澳龍食添。最鍾意就係龍蝦同鮑魚。最後我哋食唔曬， 成條沙巴龍躉打包返屋企，第二日再蒸嚟食。最後可以選擇食粥定係食八寶飯， 我哋一枱要咗粥一枱要咗八寶飯。八寶飯真係好大盤，四個人食真係食唔曬。真係夠飽肚

好耐冇去飲過早茶😆今次第一次嚟，點心整體上不算太差，一般嘅酒樓質素！最開心嘅係呢度有懷舊雞球大飽食，味道都唔錯，潮州粉果皮都不太厚、鳳爪略甜但蒜味夠、花生粥有點過鹹但炒米粉就夠乾身👍🏻，腸粉皮適中可惜餡料少啲，咸水角脹卜卜又脆口熱辣，味道ok，紅棗糕就最滿意同最好味，甜度適中又滿滿棗香🥰😍，豬腳薑個人覺得甜度多咗醋香缺乏咗啲😆