廚十三老壇酸菜魚 (譽發廣場) (Closed)

所有嘢都好好食，唔係剩係得酸菜魚！快啲睇吓我介紹▪️酥炸無面男▪️🖤🖤🖤🖤🖤無面男到底係代表啲咩？🤔一問之下先知道原來蒙面藍係代表豬肉，店員話其實佢都唔知點解佢自己估係因為同千與千尋有關🤣不過同咩有關都好啦，最緊要係炸得香酥可口！▪️老壇酸菜魚▪️🖤🖤🖤🖤我覺得係因為兩款小菜比酸菜魚更加驚艷到我，所以呢度都扣咗少少分！但係都想話俾大家聽佢呢個酸菜魚分量十足！😤魚片不帶骨，湯底酸酸又辣辣。非常開胃🤭▪️手拍前男友▪️🖤🖤🖤🖤🖤前男友其實就係青瓜 拍青瓜就係用刀拍扁黃瓜。點解要拍開佢？🧐因為食起上來會比較脆，而且蘸到嘅醬汁會更多，咁就會更好味。以菜刀將青瓜拍扁，然後加入涼拌調味汁，蒜、醋、麻油、糖和醬油攪拌，醃一會，能完成一個酸酸甜甜，口感爽脆嘅開胃涼拌青瓜😋