龍德樓 (Closed)

又到煲仔飯季節🍁❄️試試呢間可以外賣煲仔飯嘅中菜館。雖然地址係何文田，其實好近旺角㗎。🍚蝦乾排骨飯 $88蝦乾嘅香味滲晒落白飯，排骨又夠腍。飯粒分明，醬油唔多，但豬油香好重，一樣好味。🐟鮑魚花膠尚品煲 $148用料矜貴，除咗鮑魚、花膠、金蠔，亦有蝦球、鮮魷。鮑魚彈牙夠鮮味。芡汁以蠔油味為主，唔太濃可以突出食材鮮味。🦐黃金蝦球 $92薄薄嘅麵衣帶有鹹蛋黃嘅鹹香，並且炸得香脆。鹹蛋味道唔算重，蝦球嘅鮮味反而更突出。🥣五指毛桃燉雞 $48湯水有淡淡五指毛桃同淮山嘅香氣，飲落去反而係雞肉鮮味較重。🥣杏汁菜膽燉白肺 $48杏汁味道香濃，洗得雪白嘅豬肺一啲腥味都冇。