新華苑酒家

Open Now

Now Closed

一家四人假日唔想煮飯，緊係要出去食餐好嘅。呀爸呀媽都鐘意食中菜，所以今次就帶左佢地嚟呢間新華苑酒家到食晚飯。夜市唔算好多人，一家人食飯傾計都唔會覺得嘈。芝士龍蝦伊麵 龍蝦伊麵大大碟勁抵食！龍蝦肉又肥美多汁！一人可以食到兩件添。伊麵有彈性得嚟唔易斷，吸收埋啲芝士汁，簡直可以話係入味三分呀。魚香茄子煲茄子煲得唔會太腍，幾香魚香味。拎嚟送飯簡直係一流。大大煲都只係$48，性價比好高。七味脆豆腐豆腐外皮炸至金黃色，薄薄嘅表面更舖上七味粉同炸蒜，香脆惹味又可口。軟滑既豆腐外脆肉軟，入口唧溶，配埋喼汁同淮鹽，令豆腐更加開胃。欖角排骨講到出色，不得不提呢碟欖角排骨。排骨配上欖角汁，酸酸甜甜，非常惹味。排骨亦唔會煎得太老，食落乾淨俐落無痴牙。欖角炒至半焦，味道甘香可口。