大灰熊廚房 (Under Renovation)

話說全家都遲返屋企，食返琴日嘅餸菜又唔夠，又懶得買餸煮，接咗指令要去買兩個小菜回家加餸，喺餐廳門口就已經見到鐳射logo喺地下，隻大灰熊好可愛🤣小菜即叫即做，所以要等10分鐘左右，確保新鮮同埋鑊氣👍🏻西蘭花炒牛肉牛肉嘅份量仲好似多個西蘭花，牛肉好嫩滑，好有鑊氣，呢個值得encore梅菜蒸肉餅梅菜配肉餅簡直係完美嘅配搭，而且超大塊肉餅，肉餅比較薄身，仲好juice粟米豆腐羹羹既質地整得非常好，因為平時食既羹都比較稀，每啖都食到粟米、豆腐、蛋花涼拌青瓜夏天食返個涼拌青瓜真係好正到酸酸哋夠晒開胃