麻辣小聚 (93WYS) (Under Renovation)

原來呢間唔係淨係做任食火鍋，都有普通晚飯小菜，都係川菜為主。花菜炒四川臘肉口感🫦花菜爽脆，唔會炒到林pat pat，臘肉煙韌有咬口，唔會淨係食到肥膏，成個口感都係林林地，幾好食！味道👅有辣椒一齊去爆炒，辣辣地好惹味，花菜都食到好清甜既感覺，臘肉唔會太鹹，反而有啲甘香，亦都食到臘肉嘅油香，但係又唔會好油膩嘅感覺，味道啱啱好！酸辣土豆絲口感🫦土豆絲夠晒爽脆，一條條切得好幼，唔會淥到太熟，煮得啱啱好，之後過一過冷河，保持到新鮮爽脆嘅口感！味道👅土豆絲吸收晒啲酸辣嘅味道，又酸又辣，非常之開胃，酸辣味配合得岩岩好！難忘酸菜魚口感🫦魚片大塊軟滑，唔會好鬆散，幾厚實，厚肉得黎好滑好嫩，加埋啲酸酸既酸菜，口能豐富！味道👅湯底係金黃色，飲到啖啖魚味，真係用魚去煮出黎，加埋酸菜同辣椒，酸酸辣辣，味道好有層次，酸求辣度岩岩好，超級香超級濃味！重慶麻辣烤魚鍋口感🫦烤魚烤的外脆內軟，烤魚魚皮有啲脆，魚肉好嫩，好滑，一啲都唔會鞋口，魚又大條魚肉又多，食到啖啖魚肉，仲有啲蘿蔔花生呢啲配菜，正呀！味道👅烤魚吸收晒啲辣味，好濃味，但都仲食到魚肉既鮮味，愈食愈辣，爽！