東湖小廚聯威餐廳

Open Now

Now Closed

接咗女朋友收工，睇戲又未夠鐘，就事但搵間茶餐廳食啲嘢就算！$188 2人世界孖寶餐老火湯清甜好味，每人一碗！紅豆冰要加錢，好大杯，有豆有沙，用碎冰，唔會好多奶，出色。灼青菜叫左油蜜菜，正常份量，正常味道，冇炸型。菠蘿咕嚕肉好大碟，超過10粒咕嚕肉，有菠蘿有青椒，味道好有平均，唔會太酸，食唔停口！黃金大蝦主角到，又係好大碟，好多蝦，每一隻蝦都沾滿好多既咸蛋黃，食物溫度高，即叫即做，好好味。西檸雞其實已經好飽，味道好好，賣相都好好，用上鷄扒，份量好多，有成兩大塊，炸得好香口！$188 免加一，重要在銅鑼灣，食物份量超過兩人，抵食！