囍雲天酒家 (Closed)

每次從尖沙咀搭98D回家，都會在觀塘繞到上看到呢間酒樓，從外望進去，看到空間寬闊，非常光猛，整齊乾淨。最近約左在這商業大廈的朋友，傾下自已的保險，就約左朋友在呢間酒樓等，食晚飯，朋友自已好多時都會選擇在這午餐，愛共光亮，又抵食。剛進去，比我感覺到，這裡的佈置，好適合婚宴場地，夠浪漫又夠喜慶。晚飯小菜款式多、孖寶選擇又抵食。叉燒皇：每次晚飯，總會叫我至愛的叉燒，睇到令令的外面，小小的燒焦，散發著香甜的蜜汁味道，流晒口水，肉質稔滑，鬆化，入口柔軟，沒渣。嚮螺燉瑤柱湯：湯清味濃，食材豐富正氣，不油不膩，瑤柱帶起鮮甜味，夠滋潤補身。孖寶套裝：非常抵食，兩飯乳鴿+六隻蒜溶粉絲蒸帆立貝。紅燒乳鴿，乳鴿皮脆肉質嫩滑、味道鮮甜多汁、啖啖滋味、齒頰留香。蒜溶粉絲蒸帆立貝，大大隻，鮮味十足，蒜溶香濃，粉絲吸收了蒜香及海鮮的鮮味，肉質爽口彈牙，啖啖鮮甜。陳皮燉雪梨：晚飯後，又點可以少的甜點，呢款又清熱化痰、味清甜，滋潤，加上陳皮的香氣，增添美味。