劉萬利咖啡粉麵飯

Open Now

Now Closed

今晚去到位於沙田博康邨既新冬菇亭，講下舊史以前的冬菇亭衞生就冇現在咁好，但就好似特別有風味，見住d廚房大哥打大赤隙炒到身水身汗咁。座位就比較有點空間，但人與人之間就好像冇咁親密，少了點街坊味。講返d菜式先，先點了涼瓜炆倉魚，再點埋個八珍炒豆腐，原本想見個炒菜但個伙計就好好人叫我食隔離粉麵既白灼菜心19蚊咁就平左好多，因為炒個菜都60蚊起跳。涼瓜炆倉魚，倉魚先炸後炆係做得相當不錯既菜式，可惜炸倉魚用死魚都係合理，但條魚係死得太耐，d肉都碎濕濕，原本好好地既菜式就彎左。八珍炒豆腐，豆腐先炸再加上什菇等炒，味道都係好既，可惜個豆腐入面係凍，應該是走左油放得耐左再加上炒既時間唔夠，可惜。白灼菜心算是成晚最掂的，灼既時間剛剛好加上蠔油，味道突出鮮明。