一口曲奇 (Closed)

驀名而來。一盒有齊六款，花生牛油曲奇、特濃朱古力曲奇、牛油曲奇、杏仁曲奇、碎朱古力曲奇同埋檸檬曲奇。曲奇夠鬆化，個別幾款好似杏仁同花生牛油特別脆。味方面，花生牛油花生味強勁，似花生酥多過似曲奇；杏仁味淡淡地效果出奇地更好；特濃朱古力濃郁，不過未算特濃；碎朱古力同牛油就不過不失；檸檬唔係我杯茶，無食。曲奇無防腐，食用時間唔長，好似得兩三個禮拜，要快食。服務不錯，主動俾曲奇試食，仲要係成塊試，仲可以試完再試，好野。$148一盒，有齊六款。