Video
Read full review
2011-07-15
665 views
朋友仔生日飯交由我負責，好大壓力喎，如果揀錯餐廳，食得唔開心就敝喇 ~ 多謝各位好友對我既信任 ﹗我第一次黎，亦係第一個到，一早已訂定枱，所以完全唔洗等。時間尚早，所以無咩食客，環境好清靜，見裝修恰似日本小店，都幾好。牆上都好日本傳統地掛上木製餐牌。依度有免費 Wi-fi 方便食客，有需要時可按服務鐘，又有電視睇，配套唔錯。螢光魷魚，黎個前菜開開胃先。好鮮味，食其天然海水味夾雜住墨汁味道，咸咸地又甜甜地，一定要卷埋青瓜絲同吃，層次會更豐富。口感鮮嫰爽口彈牙，好好味，而且呎吋比我食開既仲大隻少少，我起碼食左六七隻呀 ﹗鮟鱇魚肝，再黎都係前菜 ﹗魚肝一啲都唔腥，涼伴跟酸汁蔥花麻油，非常醒胃。魚肝味道甘香，口感油潤軟棉棉，好肥美啊。三文魚沙律，三文魚切成粒狀伴與新鮮蔬菜配沙律醬，口感夠冰涼又酸酸甜甜，轉眼大家已成碟清晒喇，證明係好受歡迎既。蜆肉麵豉湯，我最鍾意就係飲熱騰騰既湯架喇。飲落有淡淡蜆味，麵豉溝得濃淡適中，溫度夠晒熱、好好味。發現有一粒大大隻既蜆肉喎，梗係即時啪落口啦，唔新鮮既，有少少嗅喎，失望啊，湯就好好飲。甜蝦，滑溜鮮甜爽口，過關。油甘魚，我既致愛，魚脂激豐富，超甜，最最最甜係紅
我第一次黎，亦係第一個到，一早已訂定枱，所以完全唔洗等。時間尚早，所以無咩食客，環境好清靜，見裝修恰似日本小店，都幾好。牆上都好日本傳統地掛上木製餐牌。依度有免費 Wi-fi 方便食客，有需要時可按服務鐘，又有電視睇，配套唔錯。
螢光魷魚，黎個前菜開開胃先。好鮮味，食其天然海水味夾雜住墨汁味道，咸咸地又甜甜地，一定要卷埋青瓜絲同吃，層次會更豐富。口感鮮嫰爽口彈牙，好好味，而且呎吋比我食開既仲大隻少少，我起碼食左六七隻呀 ﹗
鮟鱇魚肝，再黎都係前菜 ﹗魚肝一啲都唔腥，涼伴跟酸汁蔥花麻油，非常醒胃。魚肝味道甘香，口感油潤軟棉棉，好肥美啊。
三文魚沙律，三文魚切成粒狀伴與新鮮蔬菜配沙律醬，口感夠冰涼又酸酸甜甜，轉眼大家已成碟清晒喇，證明係好受歡迎既。
蜆肉麵豉湯，我最鍾意就係飲熱騰騰既湯架喇。飲落有淡淡蜆味，麵豉溝得濃淡適中，溫度夠晒熱、好好味。發現有一粒大大隻既蜆肉喎，梗係即時啪落口啦，唔新鮮既，有少少嗅喎，失望啊，湯就好好飲。
甜蝦，滑溜鮮甜爽口，過關。油甘魚，我既致愛，魚脂激豐富，超甜，最最最甜係紅色位置，一定要搶黎食呀 ﹗三文魚反卷，平平無奇，普通，而且啲飯唔夠乾爽，略為黏口。
什錦刺生併盤，不得了 ﹗件件都超肥美、香甜非常，活海膽、金目鯛、帶子、油甘魚、牡丹蝦、鯛魚、赤貝、極上吞拿魚腩，每件都新鮮無比無得彈，真係要搶先得喇﹗嫰嫰嫰﹗特別要提提海膽跟清甜青瓜，依個配搭好少見，味道非常清新，又帶海膽鮮味，正。
日式炸豆腐，外層炸得香口，裡面嫰滑，跟甜豉油同吃，雖然我對甜食無咩興趣，但都唔錯，面層似甜腐皮囉。
燒煙肉蠔巻，先榨點鮮檸汁提升鮮味，又可減低煎炸感，就即刻整舊啪入口。珍珠蠔鮮嫰多汁，肥嘟嘟，非常 creamy ﹗仲有淡淡海水味加上鮮蠔甜味 ﹗正呀 ﹗外面卷住折然不同濃味、咸香、嚥靭既煙肉 ﹗兩個極端併埋一齊，既特別又好味，全枱朋友都非常欣賞。
鹽燒美國牛小排，食日本野，突然黎件美國牛，如果係神戶牛、松阪牛會更適合。食牛我愛食 3 成熟 medium rare，但唔要血淋淋有血水係隻碟度囉。牛肉口感幾硬又靭，牛味雖濃，但較為沉實，要點芥苿醬一齊食先得，一試無妨。
鹽燒鯖魚，半條，魚味非常濃郁、肉汁又豐富，口感鮮嫰，魚油咁香，外層燒得香脆，加少少鮮檸提升鮮味，無投訴，好味。
日式炒什菜，日式炒什碎？賣相真係麻麻地，有芽菜、椰菜、冬菇絲、甘荀絲，味道清淡甜簡單唔油膩，免免強強啦。
鹽燒薄牛舌，點解會係薄既？唔係全部都係用厚燒架咩？口感同味道差一大截喎。薄牛舌口感爽，牛味濃，滿意。
稻庭冷烏冬，真真係係好嫰滑又嚥靭彈牙，用冰水浸過，入口好清涼舒服，好有米香，跟淡醬油同吃，十分冶味。稻庭冷烏冬配日本醬酒，淡醬油加入蔥碎、子薑片及少量芝麻，烏冬本身只有米香味道，所以要跟醬油同吃，依個秘製醬料既特別又美味，好開胃，令人有種想繼續食多啲既感覺。
日式海鮮炒飯，用日本珍珠米炒，多款海鮮粒粒加椰菜，本身我好怕炒飯濕淋淋同埋有蔬菜係入面，今次兩樣有齊，所以唔多喜歡。試左兩啖，啖道還可以，雖然係濕左啲，但不失其香味，而珍珠米真係肥嘟嘟又嚥靭。
Post
