小豆島日本料理 (Closed)

天水圍有乜好食？想食壽司都唔一定去元氣嘅！天瑞就有一間又平又高質CP值勁高嘅和式料理！裝修簡單和式又唔太逼狹，坐得都幾舒服。👍坐低先知原來做緊指定壽司刺身半價！半價係咩概念？就係9蚊就食到2件玉子壽司！抵食程度堪比爭鮮！食到勁飽，嗌哂高價野都只係人均200蚊，鍾意日本野就唔好錯過啦！🤩刺身非常正常！勁推三文魚腩同埋北寄貝，前者油脂厚，後者鮮甜爽彈，正💕💕壽司方便推薦所有火炙壽司，因為食完刺身就會想轉下口味，火炙壽司全部都好好食😋另外蟹籽沙律意外都做到平均水準以上！同小朋友黎食可以嗌埋俾佢地啦！最後仲叫咗個天婦羅拼盤，中和下生冷野，非常ok!份量夠大，唔姑寒！👍👍另外佢仲有唔少特色飲品，有我最鍾意嘅乳酸梳打添！🥺