Fru:yo Factory (Closed)

雖然小弟叫話有幾百篇食評，不過寫銅鑼灣區嘅，誇張啲咁講，有可能一雙手都數得晒。雖則唔喺港島人，但至少都晌中環返工，有同事、朋友都住晌港島依邊，但就真喺唔知點解咁少晌銅鑼灣搵食。仲話嚟到高士威道依頭，銅鑼灣與天后交界位，情況就少之有少。若非參加網站遊戲，中咗Fru:yo Factory乳酪$50現金券，恐怕一生人都未會嚟依度！Fru:yo其實有三間分店：銅鑼灣、將軍澳、九龍灣，依三區都算喺少去嘅地方，將軍澳就直頭未有一篇食評添。九龍灣雖然間中會去，不過佢間分店開晌牛頭角淘大商場，又喺甚少穿橋走過嗰邊，結果咪一日拖一日，到咗限期最後一日，先焗住收工趕過去銅鑼灣店用埋張現金券囉。無理由一個人食$50乳酪架，見佢有甜品兼售，就決定用嚟買晒啲甜品返去同查經小組嘅弟兄姊妹共享。依日有4款甜品：兩款芝士餅、朱古力布朗尼同蘋果金寶，以方便程度拎同埋食，朱古力布朗尼就較為正路，$20一件，就要3件拎走！朱古力布朗尼 $20依家越嚟越多店家有賣依款美式甜品，變得好普及。點為止喺好嘅布朗尼？可能未必有一個絕對標準，不過，布朗尼嘅賣點小弟就覺得佢要夠朱古力味濃郁，咬落實實哋、又黏黏哋，軟糯而有實在感，而且合桃