Return Coffee House (Closed)

Lunch成日同同事周圍搵野食，之前行過呢間舖覺得幾別緻，就打算去試下。今日lunch walk in，兩個人得返高桌。睇下今日食咩先！我叫左個茄汁肉丸意粉$90，同事叫左個芝士炒蛋大啡菇漢堡配薯條$88。個餐跟個蘑菇湯，夠熱夠菇味，好喝！飲完都有小小飽肚。呢個肉丸意粉份量幾大，味道中規中矩，唔會太酸，肉丸都有好多粒，意粉口感都ok。同事話個漢堡包好得，麵包外脆內軟。唯一不足係薯條好油又淋，如果可以改善下會更好！總括黎講，呢個價錢有點小貴，我地見佢咖啡好似係主打，不妨以湯換咖啡，等多啲客有得試拿手咖啡，唔駛加$10先有得試。