傷心酸辣粉 (馬鞍山中心) (Closed)

諗起酸野會流口水，放工突然諗起酸辣粉好想食，所以要去解決口腹之慾就去左食傷心酸辣粉。鐘意食酸既人會鐘意酸辣粉，因為酸得過癮。揀左個二人自選套餐，包括兩碗酸辣粉可以轉米線白飯之類，另一有三項小食再各揀一款。A款揀左4號，滷水拼盤，得半隻滷蛋（我無先偷食🙊），雞亦，肺片，腸。B款揀左1號，紅油脆耳，的確幾脆口，唔食得辣既朋友覺得佢辣過bb辣既粉。C款揀左5，時令油菜，佢落埋蠔油比我地。總括小食既份量都唔算太多。到今餐的重點啦，一碗bb辣一碗小辣（走花生），呢碗小辣酸辣粉比我平時食重手左，見到咁紅就知道出事了🤦🏻‍♀️。紅薯粉好q好彈牙，同酸辣粉好襯。+$7 一杯椰汁，比較淡同埋唔凍。埋單$142，咁多野食，都唔算貴啦。