肥仔雲南小鍋米線

Open Now

Now Closed

工作關係經過九龍灣，夜晚做完野一個人搵食，突然間醒起想食好耐嘅肥仔米線，由於果晚做完野比較夜，去到鋪頭可以直接入座，平時係經常排隊架！ 本來想叫豬軟骨同豬紅，可惜太夜已經賣曬😭咁就叫左小鍋米線加腩肉(微辣) $39每次叫完廚房都係逐碗煮！上枱熱辣辣，平時食開小辣係肥仔通常叫微辣因為覺得呢度嘅比出面嘅辣，米線煮得啱啱好唔會太稔，腩肉好入味，唔會勁多肥膏又唔好乾爭爭，而且份量都好多！酸辣湯底唔會太咸，有好多酸菜，鐘意食酸所以呢個湯底好啱我，仲有芽菜、韮菜、肉碎等。成碗米線份量好多，食完會超飽！