Video
Read full review
2015-12-14
309 views
又到聖誕，商場都擺滿聖誕佈置，黎到永安買禮物，順便過黎新紀元廣場試下好多人讚嘅119plus。店內以汽車路牌做主題，感覺同元朗分店分別不大，但餐牌食物跟飲品款式較多，份量與價錢亦成正比，幾抵食喎。先叫飲品，無酒精嘅有提子，菠蘿同橙揀，汽水加柚子，甜甜的幾好飲吖。甜筒炸雞，器皿成圓錐形，上層係炸雞、蕃薯蓉，下層有沙律。雞件炸得香脆但不油膩，只有輕輕調味，個人覺得同cream與蕃薯蓉一齊食咸咸甜甜咁幾好味，朋友則喜歡點附上嘅白汁同吃，白汁入面有煙肉，洋蔥，蘑菇等，都好好味㗎。下層沙律，沒有醬汁但很新鮮，食落有蔬菜嘅清新。鐵錘熔岩天使麵，好得意嘅造型。打爛佢先入面嘅真面目，原來熔岩係咖哩，有海鮮，本菇同煮，香料不濃，味道較接近日式咖哩，甜甜地帶極微辣，撈混食又真係唔錯。天使麵比想像中粗身，煙韌彈牙，煮得剛好，吸左唔少汁變得更美味。芝士玉子卷芝士湧出黎，一定要襯熱食，蛋嫩滑滿滿蛋香，芝味什濃，加上大量茄汁沙律醬帶少少酸，整體味道好平衡，抵讚！廣藏綠豆餅，滿期待呢樣可惜未如理想，餅身煎得香脆，食得出粒粒綠豆，但味道偏淡，點左酸汁都係無乜味，後來加點白汁同咖哩汁一齊食就幾好。食飽飽又係時候下一站，
店內以汽車路牌做主題，感覺同元朗分店分別不大，但餐牌食物跟飲品款式較多，份量與價錢亦成正比，幾抵食喎。
先叫飲品，無酒精嘅有提子，菠蘿同橙揀，汽水加柚子，甜甜的幾好飲吖。
甜筒炸雞，器皿成圓錐形，上層係炸雞、蕃薯蓉，下層有沙律。雞件炸得香脆但不油膩，只有輕輕調味，個人覺得同cream與蕃薯蓉一齊食咸咸甜甜咁幾好味，朋友則喜歡點附上嘅白汁同吃，白汁入面有煙肉，洋蔥，蘑菇等，都好好味㗎。
下層沙律，沒有醬汁但很新鮮，食落有蔬菜嘅清新。
鐵錘熔岩天使麵，好得意嘅造型。
打爛佢先
入面嘅真面目，原來熔岩係咖哩，有海鮮，本菇同煮，香料不濃，味道較接近日式咖哩，甜甜地帶極微辣，撈混食又真係唔錯。天使麵比想像中粗身，煙韌彈牙，煮得剛好，吸左唔少汁變得更美味。
芝士玉子卷
芝士湧出黎，一定要襯熱食，蛋嫩滑滿滿蛋香，芝味什濃，加上大量茄汁沙律醬帶少少酸，整體味道好平衡，抵讚！
廣藏綠豆餅，滿期待呢樣可惜未如理想，餅身煎得香脆，食得出粒粒綠豆，但味道偏淡，點左酸汁都係無乜味，後來加點白汁同咖哩汁一齊食就幾好。
食飽飽又係時候下一站，繼續揀禮物。
Post
