三姐廚房私房菜 (Closed)

同事帶隊食好野，帶左我去觀塘工業區，近年黎呢頭都多左好多野食，但以西餐為主，今日食中菜，都幾期待。上到去環境都唔錯，而且已經坐滿晒，已經有晒信心。頭盤分別有沙律同燻蛋，前者雖然唔係傳統中菜，但D菜又新鮮爽口，加上酸酸甜甜既醬汁，非常開胃。茶燻蛋就配魚子醬，魚子醬配蛋幾時都冇失手，一淡一鮮互相配合，而襯底既厚切茄子可以話係驚喜之作，走過油既茄子勁甜勁香。燉湯我就揀左人蔘螺頭赤肉湯，燉完出黎既湯好清，但味濃，忍唔住要食晒D湯渣。主菜方面我最中意就係三蔥鮑魚，一打開個沙煲蓋真係成間鋪都香，勁惹味！鮑魚火喉岩岩好，唔會韌，我敢講我一個人可以食一煲!!!!!