協香麵飽西餅

Open Now

Now Closed

今日到流水響，行完係粉嶺找點吃的，原來有一麵包店頗有名氣，特意一試。地點不難找。椰撻大大個都係五個半。雞髀包九個半，香港無幾多地方咁平啦。椰撻出色，餡又厚又多，皮又薄，真係好出色。又無出面做得咁甜，食多隻都得。個皮都好鬆脆。雞髀包。先滷好雞鎚再做包，工夫嘢。靚仔。首先個包又好，薄薄地又香又甜，咬一啖雞一啖包，真係幾好。雞髀都滷得好食，滷水好香有層次，真係就咁賣都十蚊啦，而家做埋包先係九個半。真係無言，好食。後尾買多個。整體而言，真係行過路過唔好錯過。唔好就係一盤一盤咁出，我買第二次時賣晒，企係門口等，等十五分鐘左右，一出爐想買，有個客行入去見到就要三個，賣嘢阿姐就執俾佢，我都話咗我黎先，等好耐，賣嘢阿姐又大大聲話我唔知我啱啱返工，三個俾錢。最後行入去想買三個個客表明佢唔知所以唔要唔好意思。其實都係小事，但睇到有時管理都好緊要，同埋排緊隊真係要出聲。