Video
Read full review
2010-10-18
16 views
今日一條佬特登喺午飯時段嚟到灣仔，就喺為咗去電話公司攞嗰五百幾蚊嘅超市Coupon，咁嚟得灣仔當然要搵好嘢食，上定開飯選定去食楊記嘅蝦子撈，點知去到又排晒長龍，咁食飯時間淨返唔多仲要搭車返中環，維有繼續向前行，去至軒尼詩道和莊士敦道交界再行返轉頭，沿途睇吓有咩好食。之前真係無諗住掃街做午餐，不過一轉入莊士敦道口已經見到十三座牛雜個招牌，記得有睇過開飯嘅食評都幾好，就試吓食一次牛什當午餐啦!嚟到舖面，嘩! 咁乾淨嘅? 都係第一次見到賣小食嘅地方咁乾淨企理，每一個小檔位同立食嘅小吧位都抺得好乾淨，而且有食客食完個碟，店員一有時間立即出嚟收拾同清潔，衛生真係要加分俾佢。牛什呢樣嘢唔係健康食品，內臟不能夠多吃，食得多身體會積存尿酸，對於D上咗年紀嘅朋友嚟講，因為新陳代謝慢D分解唔晒，尿酸就會積存，尿酸過多會引至關節痛同肌肉酸痛，不過我仲後生，食多小小應該無問題，等我今日一次過食晒40歲前嘅quota，嚟碗細牛什($30)吖唔該!食牛什當然喺咩位置都要齊，膀肚腸肺缺一不可。唔單只舖面乾淨，連D牛什睇落都好乾淨。又唔知係咪乾淨得滯影響咗食味呢? 第一，牛什(除咗腸外)嘅羶味無咗。第二，無牛味又無滷
嚟到舖面，嘩! 咁乾淨嘅? 都係第一次見到賣小食嘅地方咁乾淨企理，每一個小檔位同立食嘅小吧位都抺得好乾淨，而且有食客食完個碟，店員一有時間立即出嚟收拾同清潔，衛生真係要加分俾佢。
牛什呢樣嘢唔係健康食品，內臟不能夠多吃，食得多身體會積存尿酸，對於D上咗年紀嘅朋友嚟講，因為新陳代謝慢D分解唔晒，尿酸就會積存，尿酸過多會引至關節痛同肌肉酸痛，不過我仲後生，食多小小應該無問題，等我今日一次過食晒40歲前嘅quota，嚟碗細牛什($30)吖唔該!
食牛什當然喺咩位置都要齊，膀肚腸肺缺一不可。唔單只舖面乾淨，連D牛什睇落都好乾淨。又唔知係咪乾淨得滯影響咗食味呢? 第一，牛什(除咗腸外)嘅羶味無咗。第二，無牛味又無滷水味，似白烚，可能因為個汁底本都無咩味。最驚喜係嚿蘿蔔，好甜無渣，係嚿蘿蔔本身好食，唔關整得好唔好食事。
對D怕污糟嘅人應該係唔錯嘅選擇，如果個漿汁濃返D應該可以彌補牛什無牛什味嘅不足。雖然唔算係好好食，但都唔係難食嘅，俾個一試無妨你啦!
向下一站進發!
Post
