Video
Read full review
2022-01-09
146 views
天水圍食壽司郎🍣，一字記之曰:早。我10:38到，等到10:43派飛，已經排058。最後，我12:40先排到入座，而當時已經停左派walkin。😨根據職員所講，已經派左二百幾張飛，要係6點停堂食前Consume晒先會再派。所以話，唔早，就會食唔到，飛都拎唔到。新春係做蟹🦀既期間限定。蟹肉茶碗蒸menu中聲稱茶碗蒸比之前加量不加價，就試一試。蛋🥚蒸得好滑，有一鼓淡淡咸味，底少少就會帶有海鮮既鮮味。入面有比之前多左既蟹肉🦀、蝦🦞、魷魚🦑、雞肉🐥同帆立貝，都幾足料，海鮮唔算好好食既，但熱騰騰、新鮮蒸好既茶碗蒸都係幾吸引既。濃厚蟹拌麵🍜碗面一到，就俾個賣相吸引，同menu圖一樣，好多蟹黃呀，仲有唔少蟹肉蟹粰同西蘭花🥦。一食落口，好鮮味，仲啖啖食到蟹肉，蟹粉味好出！我地爭住食晒，雖然份量唔多，但汁比麵多，完美覆蓋每一條麵。一碗$32，大推👍🏻！蟹肉忌廉可樂餅外表炸到脆卜卜，入口香又熱，入面個餡係忌廉味，雖然襯得個可樂餅幾好，但同想像中差d，主要係蟹味欠奉呢⋯⋯👀灸燒芝士鮮蝦🦐火灸係每次必點，今次忍手食左2碟Only，好鍾意既火灸芝士味，同其他地方一樣味，但性價比高。我既必食之選🤤🤤🤤！栗子味卡達
蟹肉茶碗蒸
menu中聲稱茶碗蒸比之前加量不加價，就試一試。蛋🥚蒸得好滑，有一鼓淡淡咸味，底少少就會帶有海鮮既鮮味。入面有比之前多左既蟹肉🦀、蝦🦞、魷魚🦑、雞肉🐥同帆立貝，都幾足料，海鮮唔算好好食既，但熱騰騰、新鮮蒸好既茶碗蒸都係幾吸引既。
濃厚蟹拌麵🍜
碗面一到，就俾個賣相吸引，同menu圖一樣，好多蟹黃呀，仲有唔少蟹肉蟹粰同西蘭花🥦。一食落口，好鮮味，仲啖啖食到蟹肉，蟹粉味好出！我地爭住食晒，雖然份量唔多，但汁比麵多，完美覆蓋每一條麵。一碗$32，大推👍🏻！
蟹肉忌廉可樂餅
外表炸到脆卜卜，入口香又熱，入面個餡係忌廉味，雖然襯得個可樂餅幾好，但同想像中差d，主要係蟹味欠奉呢⋯⋯👀
灸燒芝士鮮蝦🦐
火灸係每次必點，今次忍手食左2碟Only，好鍾意既火灸芝士味，同其他地方一樣味，但性價比高。我既必食之選🤤🤤🤤！
栗子味卡達拉娜
栗子味🌰係menu推薦既，所以試下。佢雪到硬硬地，好似雪糕🍦咁，口感唔錯。但似栗子蓉，味道無乜驚喜。
壽司郎 (天水圍)
天水圍天華路30號T Town South地下SG17號舖
Post