和將居酒小廚 (Closed)

都未嚟嗰呢邊食嘢，趁星期六返半日同同事嚟試下。呢間日式餐廳人流唔多，清清靜靜，雖然所有都係炸嘅有啲熱氣不過幾好味，主食就一般。追加小食：忌廉蟹肉薯餅，好耐無食過，都係咁啦。唐揚魷魚鬚，我覺得好食過街邊買嘅小食。唐揚紫菜雞卷。蒲燒鰻魚吉列蝦飯，炸蝦麻麻。雜錦海鮮湯烏冬，烏冬好怪，無彈性，好粉，好易碎。日式咖喱雜菜日式炸雞飯，呢個係三個主食最好食嘅一個，雞肉外脆內滑，薯仔夠淋，甜咖喱唔食得辣嘅我都食到，唔錯。