美味小鮮肉 (Closed)

平時趕時間，首選一定係港式粉麵店，貪佢快靚正，今日經過一間有得食一人一鍋嘅鋪頭，我諗啲粉麵應該都唔錯嘅，所以就去試吓😝我叫咗一碗牛丸拼魚蛋生麵，勁大碗，先至$38，加左$3叫咗杯凍奶茶。我覺得碗麵咁質素都唔錯，個湯底幾清，牛丸好彈牙，魚蛋都係，六粒丸都大大粒，幾抵食值得一讚嘅係佢放咗好多菜，幾新鮮另外我仲叫咗$8炸饅頭，一共有兩舊，我覺得好好食，所以我一次過食晒🤣外面炸得好香脆，裏面好綿，good! 食粉麵點會唔叫嘢飲呢？我嘅凍奶茶少甜少冰，奶味濃郁，茶味都幾香，消暑一流。呢度嘅嘢食都唔錯，價錢都好合理，下次經過都會入嚟食碗麵😝夜晚就會試吓佢嘅一人一鍋，我諗都會唔錯嘅！