越味皇 (Closed)

又黎荃灣食我最鐘意既越南菜🤪 最愛就係d小食！叫咗越式燒魚 ($88) 就算用燒既方法都依然食得岀魚既鮮味，反而個皮果度食落就更加香口～ 好少食到咁好味又新鮮既燒魚！越式柚子鮮蝦沙律 ($68) 雖然鮮蝦得2隻，但佢沙律菜同柚子分量都極奇多！仲要食落都幾辣，食唔到辣既唔建議試越式串燒雙拼 ($88) 呢個既串燒雞係岀色既，香茅味重，雞肉燒香得黎都嫩滑越式炸蝦餅 ($56) 蝦餅係一大塊炸完再切，感覺冇咁熱氣，份量都好大！越味皇雜錦拼盤 ($98) 香脆雞翼，蒸粉包，迷你蔗蝦，炸春卷 最後叫埋呢個拼盤～ 一次過可以滿足四個願望🤣 都係炸春卷最好食