拉麵太郎 (Closed)

前日收到老闆突然送贈樓下間「拉麵太郎」o既現金券，最怕蝕底o既小肥即約同回港放聖誕假o既小表弟週四中午去食晏。拉麵店木造o既門面及以平假名寫出o既門牌都充滿著濃厚o既日本風味。地舖樓底都幾高，裝潢簡約，內有多張合併式散座，尚算簡潔衛生。餐具及調味全為自助式。雖則店內食客不多，但細佬只有一小時用餐時間，兩口子埋位即點選拉麵項目。不用上學o既小表弟可以啤一啤佢，仲要返工o既XO仔就只可飲水。原來樓面位叔叔為日本人，但居然可以廣東話跟食客溝通，實在難得！其態度溫婉和藹，食飯中途更自動斟添開水，讚！京都豚骨拉麵炸雞（$88）：拉麵大大碗，望落都幾足料。第一樣先飲咗淡熱湯，味道好清，而且一啲都唔油。個人覺得白身幼條o既拉麵質感有啲似過熟咗o既公仔麵咁，唔係咁啱細佬口味囉！幸好兩片五花腩軟腍幼滑、肉香甜美，三件炸雞又夠皮脆肉嫩，為碗拉麵挽回不少失落咗o既分數。半熟味附蛋（加$16）：小表弟食拉麵一定要有蛋，可惜單憑蛋蛋o既賣相，個人覺得對其質素絕對有保留o既權利。薯仔沙律（加$15）：沙律雖未如餐牌中之彩圖呈球狀，但食落清涼惹味，都算係合格。炸餃子（加$15/三件）：炸餃子皮層巧薄香脆，菜肉餡心爽