香港郵意明信片航海主題咖啡廳 (Moved) New Location

好少聽灣仔有樓上cafe, 朋友推介咗我去呢間位於安樂里嘅香港郵意明信片航海主題咖啡廳，主題非常特別，所以我哋決定一同到訪。餐牌嘅一頁係lunch set同埋下午茶tea set仲有少量desserts.而另一頁係散叫，主要係小食同埋主菜，例如係燉飯同埋扁意粉，仲有唔同種類嘅特飲。我哋嗌咗芝士糯米釀無骨雞翼$68，聞落去甜甜地，燒烤味好重，將雞翼一咬開，發現裏面有啲橙色芝士，味道辣辣地，調味都幾重下，我會選擇連皮食，原因係皮非常之惹味。裏面仲釀咗一些比較口感香脆的糯米，感覺非常特別。仲點左黑松露帶子扁意粉$88 ，黑松露配扁意粉係極夾，黑松露帶的微香以及忌廉汁，微提升意粉既味道。而扁意粉口感煙韌，亦適合我既口味。朋友揀左較新奇既檸檬馬鞭草茶$58，開頭以為呢種茶既成份係檸檬加馬鞭草，點知原來檸檬馬鞭草係一種植物名😮檸檬既味道極濃，朋友鍾意微酸所以幾啱佢飲，但如果不好酸既人就唔太啱呢種茶啦。另外我亦點了薰衣草茶$58，除咗個壺同個杯之外，下面亦有一個盤子，得體之餘亦都令人好放鬆。熱水能夠無限refill，能在忙碌的下班生活放鬆一下，確實不錯！！