大飯糖甜品小食屋 (Moved) New Location

今日去元朗同朋友行山，行完山時間4點幾，有啲肚餓就搵間餐廳醫肚啦。大飯糖，朋友介紹就去試下啦。地方唔算大，食物選擇都有好多架。我叫左腐竹薏米流心蛋糖水。腐竹薏米好多好足料，糖水清甜好滋潤，完全唔會過甜。流心蛋好香蛋味，飲哂一碗好滿足。朋友叫左一個咖哩魷魚拼盤開心share！魷魚好爽口，彈牙唔會乾身。豬皮、魚蛋、蘿蔔，咖哩味濃好香口，超愛食爽口豬皮，好耐無食啦！以前細個成日都去食架。朋友都大讚好回味呀。