石籬粉仔

Open Now

Now Closed

今日喺呢邊睇完電影，忽然之間覺得好耐都冇食碗仔翅呢類街邊嘅小食，同朋友講起，朋友即刻安利咗呢間位於葵涌石籬大隴街143號葵都大廈地下5號舖噶石籬粉仔，環境都幾懷舊，地方座位都幾闊落。煎釀三寶，釀茄子，釀豆腐，魚蛋，同埋釀青椒，即叫即整，茄子脹卜卜，豆腐角都幾大舊，配埋豉油，回憶返曬嚟。生菜魚肉湯，麻油味香，小小胡椒粉冚咗魚肉嘅腥，令個湯更鮮甜，魚肉彈牙。魚肉翅，魚肉份量都幾多，碗仔翅材料豐富，呢個組合冇得輸。今日呢個晚餐組合，平靚正又飽。