Video
Read full review
2009-07-02
17 views
因為男朋友生日，兩個人去左自煮食材食飯當慶祝。間鋪頭細細地，令人覺得好舒服，我相信起度食飯亦都係一件賞心樂事。睇左個menu好耐，最後決定左叫二人餐。忌廉湯、蕃茄湯：忌廉湯唔似係啲罐頭湯，個湯唔會好稀，做得岩岩好，飲落口好滑，味道唔差。蕃茄湯個色水好靚，味道岩岩好，唔會太酸。個人比較鐘意忌廉湯，因為真係好好味，有啲驚喜。蒜蓉包：咬落口好脆，好重蒜香味，唔會好咸。可能因為即叫即整，個包熱辣辣上枱，所以先會咁脆，呢個一試無妨！煙鴨胸沙律：煙鴨胸有啲咸，只可以話係一般質素，冇乜特別。而個沙律，我食到有薯仔、蜜桃同菠蘿。薯仔有啲咸，蜜桃同菠蘿都係罐頭生果，好普通既一個沙律。醬炒照燒牛扒意粉：牛扒整得好淋，配照燒汁，香香甜甜，幾好食，只係唔鐘意有芝麻。而個意粉炒得好香，好入味，加埋啲菜同粟米食，更加一流！難得西式食材都整到咁日式，都仲可以咁好味，真係好驚喜！千島菠蘿pizza：一黎到個陣真係呆左，我估唔到係呢種餅底，唔同我地平時個啲。個餅底好重芝士味，完全冇需要加芝士粉，好好奇呢種餅底究竟係乜。而個餡有蕃茄、蘑菇、菠蘿、扇貝、粟米etc，蕃茄同其他餡料好格格不入，而扇貝煮得熟過頭，唔夠軟熟。但成
忌廉湯、蕃茄湯：忌廉湯唔似係啲罐頭湯，個湯唔會好稀，做得岩岩好，飲落口好滑，味道唔差。蕃茄湯個色水好靚，味道岩岩好，唔會太酸。個人比較鐘意忌廉湯，因為真係好好味，有啲驚喜。
蒜蓉包：咬落口好脆，好重蒜香味，唔會好咸。可能因為即叫即整，個包熱辣辣上枱，所以先會咁脆，呢個一試無妨！
煙鴨胸沙律：煙鴨胸有啲咸，只可以話係一般質素，冇乜特別。而個沙律，我食到有薯仔、蜜桃同菠蘿。薯仔有啲咸，蜜桃同菠蘿都係罐頭生果，好普通既一個沙律。
醬炒照燒牛扒意粉：牛扒整得好淋，配照燒汁，香香甜甜，幾好食，只係唔鐘意有芝麻。而個意粉炒得好香，好入味，加埋啲菜同粟米食，更加一流！難得西式食材都整到咁日式，都仲可以咁好味，真係好驚喜！
千島菠蘿pizza：一黎到個陣真係呆左，我估唔到係呢種餅底，唔同我地平時個啲。個餅底好重芝士味，完全冇需要加芝士粉，好好奇呢種餅底究竟係乜。而個餡有蕃茄、蘑菇、菠蘿、扇貝、粟米etc，蕃茄同其他餡料好格格不入，而扇貝煮得熟過頭，唔夠軟熟。但成個pizza都唔差，大部份餡料都夾得好好，味道唔錯。
芝士蛋糕：好普通，同平時食開既差唔多，但size真係好細，細得驚人。
餐飲：叫左凍咖啡同凍檸水，都係茶餐廳水準，無甚大分別。
另外，員工會依照我地食左幾多，先慢慢上菜，唔會一次過上菜，令菜式可以保持熱度，未有影響其味道，值得讚揚！最後，呢間鋪頭設有加一，成餐飯用左$185，平平地都可以食餐咁好既，真係好滿足，但份量太多，有啲吃不消。
Post
