Video
Read full review
2023-10-05
34 views
之前喺附近食甜品嘅時候，見到有間舖頭係食烤魚，一直都好想去試，今次咁啱就機會去食啦🙋🏻♀️。睇menu嘅時候，發現除咗有烤魚、雞煲、酸菜魚呢啲川菜之外，仲有串燒同鑊氣小炒🧆，但好可惜今次得兩個胃，裝唔落咁多嘢🥺，唯有睇吓下次有冇機會再試。🍽️江團魚 + 活火山泡淑剁椒豆花 中麻 中辣 $348 7.5/10一上到嚟嘅時候，就見到成條魚俾辣椒、青花椒等香料覆蓋住🐟。湯底辣味十足🌶️，仲會有啲麻麻地嘅感覺，好香口吓；而佢入面仲有豆花、寛粉、青瓜、木耳等等嘅配料。😽條魚幾大條吓，啲肉質好實嘅同時都好滑，仲要好少魚骨、唔會有好多骨刺🦴。同埋店家好細心👀，條魚係已經劏開咗兩邊，然後整平咁上，唔驚食到一半，要反條魚，會彈到啲湯周圍都係💦。而個豆花係大推👍🏻，就算煮咗好耐都係勁嫩滑，雖然佢唔似冰豆腐嗰種會索湯，但佢嘅表皮都係充滿晒烤魚嘅湯汁，而一咬開就係嫩嘅豆腐🤩。個寛粉好勁😂，因為我哋係食到最後睇吓仲有啲咩夾嘅時候，先發現原來個底有寬粉🍜。本身以為煮咁耐會淋晒，一夾就斷🥢，點知仲係好煙靭，索晒啲湯。🍴黃金魚皮 $78 8/10個魚皮一上到嚟，就見到每舊都裹滿咗鹹蛋黃🥚，仲要起晒沙🤤。食落去嘅時候，
之前喺附近食甜品嘅時候，見到有間舖頭係食烤魚，一直都好想去試，今次咁啱就機會去食啦🙋🏻♀️。
睇menu嘅時候，發現除咗有烤魚、雞煲、酸菜魚呢啲川菜之外，仲有串燒同鑊氣小炒🧆，但好可惜今次得兩個胃，裝唔落咁多嘢🥺，唯有睇吓下次有冇機會再試。
🍽️江團魚 + 活火山泡淑剁椒豆花 中麻 中辣 $348 7.5/10
一上到嚟嘅時候，就見到成條魚俾辣椒、青花椒等香料覆蓋住🐟。湯底辣味十足🌶️，仲會有啲麻麻地嘅感覺，好香口吓；而佢入面仲有豆花、寛粉、青瓜、木耳等等嘅配料。😽
條魚幾大條吓，啲肉質好實嘅同時都好滑，仲要好少魚骨、唔會有好多骨刺🦴。同埋店家好細心👀，條魚係已經劏開咗兩邊，然後整平咁上，唔驚食到一半，要反條魚，會彈到啲湯周圍都係💦。
而個豆花係大推👍🏻，就算煮咗好耐都係勁嫩滑，雖然佢唔似冰豆腐嗰種會索湯，但佢嘅表皮都係充滿晒烤魚嘅湯汁，而一咬開就係嫩嘅豆腐🤩。
個寛粉好勁😂，因為我哋係食到最後睇吓仲有啲咩夾嘅時候，先發現原來個底有寬粉🍜。本身以為煮咁耐會淋晒，一夾就斷🥢，點知仲係好煙靭，索晒啲湯。
🍴黃金魚皮 $78 8/10
個魚皮一上到嚟，就見到每舊都裹滿咗鹹蛋黃🥚，仲要起晒沙🤤。食落去嘅時候，勁熱辣辣🔥同脆卜卜，應該係新鮮炸完之後，再兜鹹蛋黃。
食到後尾，有少少膩，用咗嚟點烤魚索湯，就算放凍咗，都仲係好脆😙。
🍴風琴豆腐 $33 7/10
用嚟索湯汁一流🤩！就係平時街邊買到嘅打邊爐料，類似豆卜，但比佢再細啲，所以仲易索汁啲。
🍴土豆粉 $33 6.5/10
本身驚唔夠飽，諗住加個麵食，但點知原來個烤魚入邊有好多料，所以淨係食咗兩啖，就食唔落🥲。個麵質就比較煙靭同幼身，幾掛湯吓🍜。 不過留意吓👀，佢同薯粉係兩樣嘢嚟㗎❗️如果本身係想叫薯粉嘅，記得唔好嗌錯！
💰 翻兜指數: 7/10
我覺得佢味道係唔錯，但唔知係咪因為地點嘅關係，要由地鐵站行7分鐘🚶🏻♀️，唔似得新都城入面啲餐廳咁，一出就地鐵站就係商場🚇，所以就算晚市，人流都比較少。
如果下次，相比起食商場入邊嗰啲大集團餐廳🏬，我會寜願行遠少少，去食做街坊生意嘅餐廳😼。
Post
