Black As Chocolate (Closed)

小bb一歲生日了！時間過得真快，咁又一年，諗下呢個日子有邊個蛋糕回味先，上次食過嘅朱古力好正喎，一於用佢黎慶祝先。當日大蛋糕已售完 咁唯有轉呔買小蛋糕，一人一個唔使分都好，食得乾淨又唔使洗碟，啱哂我啲懶人。焦糖脆脆味，賣相小巧可愛，細細個一樣咁精緻。朱古力味勁濃郁，中間有焦糖，甜而不膩，好好味。仲要左原味，同樣勁濃郁朱古力味，又香又滑，細個版一樣有玫瑰花圖案，又靚又好味！紙盒設計簡單，但不失華麗，蛋糕底紙黏住盒底，令蛋糕穩固，抵讚！