T2 Teppanyaki & Tapas Bar (Closed)

朋友聚餐，揀左係尖沙咀諾士彿臺大厦5/F既T2。諾士彿臺位於天文台側既小山丘上，設有長樓梯供人拾級而上，隔鄰連接美麗華商埸。此處有唔少特色既酒吧及富有異國情調既餐廳林立，而T2就係此處既大厦上面。 餐廳细细地格局好骨子，燈光陰暗，好浪漫啊 ……一入座，侍應就不停甘hard sell 酒 ，等我地睇下有咩食先喇……原來Menu內得甘少款式，每個course得几款選擇咋？！經侍應介紹下，我地揀左几款來share食……煙三文魚沙律: 呢個沙律几fresh, 只是三文魚比較鹹。海鲜意粉: 帶子及蝦几爽口，意粉味道剛好 。意大利飯: 食唔慣意大利飯既朋友會覺得d飯好生下，但甘先稱得上正宗。反而用來裝飯既红椒，眼色吸引，入口頗清甜 。黑毛豬扒: 肉質較實，同普通餐廳既豬扒無異 ，邊樹有黑毛豬既特質呢？！薯球: 炸得好鬆脆，皮又薄，入面既薯蓉好好食 ，是晚最正係呢碟！辣肉丸: 無咩特色，得個辣字 ！唔知係米餐廳名有bar字，成晚sell酒！雖然我地最後都無order, 但侍應仍舊特别為我地送上几杯免費酒試飲，真係多謝哂喇 !!