Arte by Padaria (Moved) New Location

尖沙咀一間賣開精緻甜品嘅舖頭，有新產品啦！佢叫做#法式可頌夾心球 。一去到見到舖面以粉紅色設計，好有少女風，不過呢個地方都搵左一段時間。我反映完之後，店員話我知嚟緊會搬去K11 Art Mall(舊K11)，地點更方便之餘，都會有更多創意及新驚喜！ 平時嘅凍餅 講返產品先，呢款球形嘅波波藝術品，靈感源自新月形嘅傳統牛角包，更加係法式甜品MIX世界各地最誘人味道嘅結晶品。咁多種鹹甜口味裡面，揀左其中兩款試。Earl Grey Madeleine& Mango伯爵茶馬德蓮&芒果$36類似一般牛角包酥皮，裡面空心放餡。不過可能因為放耐左，酥皮做唔到好脆。唔知大家係點食呢？ 不過裡面餡料好特別。啡色嘅係伯爵茶味馬德蓮蛋糕，茶味之餘，有少少朱古力味道。加埋粒粒糖漬芒果，少少苦澀，唔會太甜，又有果香。係好吸引嘅配搭。Red Velvet & Almond紅絲絨馬德蓮&杏仁 $38傳統嘅紅絲絨蛋糕係朱古力，不過呢個椰子味好重，仲有少少杏仁味。另外有用肉桂煮過嘅蘋果，香料層次更豐富，更有聖誕感覺。