Video
Read full review
2018-01-05
799 views
呢間餐廳個名「Girlboss」，令我諗起哥哥首歌 - 少女心事 「少女心事 ~ 但願我亦了解~ 我也能知~」 熟識呢首歌，明顯我唔係少女啦! 但係少女心事，我亦了解， 我也能知!!!由入座到落單，用左廿幾分鐘，點解? 三心兩意囉! 單單一個Bossy Royal Set $358就有四十幾樣野揀，真係唔知揀咩好! 揀野飲又係有四十幾樣野揀，媽，我好亂呀!! 苦苦思量，終於揀好晒野食，可以嚟個大合照，笑~ 一枱都係食物，好震撼! 隔嚟枱啲Girls一路點餐一路話啲嘢Girl size架咋，點多啲點多啲，我只係叫左一個set，已經好多野喇!個餐唔包野飲，飲品要另外叫的。Opps! Matcha$58 - 大大杯，睇顏色就知抹茶味好濃。夠冰凍又甜度適中，本來其貌不揚，加左啲一粒粒粉紅色嘅波波，驟眼睇好似仙人掌上面開咗花咁，為沙冰添上色彩。波波味道似棉花糖，口感特別，入口即溶。小國王蘋果茶$58 - 壺同杯入面都有青蘋果同紅蘋果果粒，加埋紅茶，微甜又好香甜。蟹肉牛油果蘋果青瓜沙律 - 細細杯，蟹肉唔多，但有齊牛油果、蘋果、青瓜、生菜，開胃沙律。烤大蝦田園沙律‧白味噌芥末沙律醬 - 蝦夠大
由入座到落單，用左廿幾分鐘，點解? 三心兩意囉!
單單一個Bossy Royal Set $358就有四十幾樣野揀，真係唔知揀咩好! 揀野飲又係有四十幾樣野揀，媽，我好亂呀!! 苦苦思量，終於揀好晒野食，可以嚟個大合照，笑~ 一枱都係食物，好震撼! 隔嚟枱啲Girls一路點餐一路話啲嘢Girl size架咋，點多啲點多啲，我只係叫左一個set，已經好多野喇!
個餐唔包野飲，飲品要另外叫的。
Opps! Matcha$58 - 大大杯，睇顏色就知抹茶味好濃。夠冰凍又甜度適中，本來其貌不揚，加左啲一粒粒粉紅色嘅波波，驟眼睇好似仙人掌上面開咗花咁，為沙冰添上色彩。波波味道似棉花糖，口感特別，入口即溶。
小國王蘋果茶$58 - 壺同杯入面都有青蘋果同紅蘋果果粒，加埋紅茶，微甜又好香甜。
蟹肉牛油果蘋果青瓜沙律 - 細細杯，蟹肉唔多，但有齊牛油果、蘋果、青瓜、生菜，開胃沙律。
烤大蝦田園沙律‧白味噌芥末沙律醬 - 蝦夠大隻，個沙律醬就食唔出有咩特別。
鮮蝦米紙捲‧蟹棒米紙捲 - 味道一般，都幾大舊，食喺嚟有啲難度，容易散開。Girls個口好細架咋，如果size減半，會更精美更易食。
芝士蟹肉釀蟹蓋 - 要加$28升級，蟹蓋入面釀滿啖啖蟹肉，仲有芝士同洋蔥，超級好食!!上面插住魚仔乾片，香脆。
芝士蟹肉釀蟹蓋
24 views
0 likes
0 comments
烤蒜蓉牛油龍蝦 - 要加$68升級，就有原隻龍蝦，每天限量供應。龍蝦肉爽口彈牙，帶少少牛油同蒜蓉香味。不過白色醬汁就食唔出係咩味，唔蘸醬就最好，原汁原味。
海膽忌廉蟹肉意粉 - 呢個意粉好正，用忌廉新鮮打成，一定要趁熱食。面頭只見到一粒海膽，但入口好creamy，每啖都有濃郁海膽味，必食!
海膽忌廉蟹肉意粉
9 views
0 likes
0 comments
油浸鴨脾鵝肝醬薄餅 - 賣相唔討好，又只得三片，事實係味道都唔錯，可惜我哋留到較後時間先食，凍左了。
餐廳由外到內都用左粉紅色做主色，連餐紙都要係粉紅色，加上餐具雅緻，的確能夠俘虜唔少少女心。
餐廳有啲位係圓枱同環狀梳化，側邊有啲木條環繞，好似個打開咗嘅雀籠咁，係咪意味著食客可以好似開籠雀咁，一路食一路Girls' talk，雞啄唔斷呢?
食物一次過放上枱係好吸引，但好易凍晒，味道大減，建議三層架可以一次過上枱，但其他食物就最好逐樣逐樣上，咁會食得從容啲。最後，少女心事你可知? 缺少左最重要一環，就係少女中女都多數鍾意嘅甜品，不過問咗店員，得知原來將會推出，好期待~
Post
