Video
Read full review
2023-10-12
1202 views
其實好耐之前已經見好多人嚟打卡 但驚係齋打卡嘢食麻麻就無嚟到前幾日朋友講起想試就終於嚟咗 無諗過都真係有驚喜😍雖然齋睇價錢都會覺得有啲overpriced 但食材配搭的確有新意得嚟食物質素都唔錯🍣Living Maki Platter $178可以揀6件/12件 兩個人想試多啲就嗌咗前者因為我唔食生嘢所以好多時嘅sushi platter都唔太啱食 呢度竟然全都係熟食 仲要配糙米飯 口感煙煙韌韌又好似健康啲咁😙賣相都好精緻有心思 每件壽司上面都放咗朵食用花照燒茄子卷茄子掃咗甜甜嘅醬汁 再經過炙燒 表面微微焦脆中心就依然軟綿綿餡料有青瓜 牛油果蓉同埋新豬肉碎新豬肉碎鹹鹹辣辣為舊壽司增添咗唔少色彩～脆辣菠蘿蜜卷 呢款都幾神奇 唔知點解食到明太子嘅味道反而菠蘿蜜香甜嘅味道就唔太突出裏面都係有標配嘅青瓜同埋牛油果蓉金針菇黑松露脆卷不出所料地最出嘅都係黑松露味壽司上面擠咗篤黑松露沙律醬同埋疑似南瓜蓉嘅物體不過食完先諗起佢叫金針菇黑松露脆卷 好似無點食到金針菇嘅存在不過外皮的確酥脆 有種天婦羅紫菜嘅感覺 就算放凍咗都唔會油膩或者變稔🥟Soup-er Wontons $138呢位菜令我哋兩個都好矛盾
前幾日朋友講起想試就終於嚟咗 無諗過都真係有驚喜😍
雖然齋睇價錢都會覺得有啲overpriced 但食材配搭的確有新意得嚟食物質素都唔錯
提生糙米壽司拼盤
$178
48 views
0 likes
0 comments
可以揀6件/12件 兩個人想試多啲就嗌咗前者
因為我唔食生嘢所以好多時嘅sushi platter都唔太啱食
呢度竟然全都係熟食 仲要配糙米飯 口感煙煙韌韌又好似健康啲咁😙
賣相都好精緻有心思 每件壽司上面都放咗朵食用花
照燒茄子卷
茄子掃咗甜甜嘅醬汁
再經過炙燒 表面微微焦脆中心就依然軟綿綿
餡料有青瓜 牛油果蓉同埋新豬肉碎
新豬肉碎鹹鹹辣辣為舊壽司增添咗唔少色彩～
脆辣菠蘿蜜卷
呢款都幾神奇 唔知點解食到明太子嘅味道
反而菠蘿蜜香甜嘅味道就唔太突出
裏面都係有標配嘅青瓜同埋牛油果蓉
金針菇黑松露脆卷
不出所料地最出嘅都係黑松露味
壽司上面擠咗篤黑松露沙律醬同埋疑似南瓜蓉嘅物體
不過食完先諗起佢叫金針菇黑松露脆卷 好似無點食到金針菇嘅存在
不過外皮的確酥脆 有種天婦羅紫菜嘅感覺 就算放凍咗都唔會油膩或者變稔
Soup-er Wontons
$138
42 views
0 likes
0 comments
呢位菜令我哋兩個都好矛盾
雲吞湯底雖清但一啲都唔淡
一入口係突出嘅黑胡椒味 伴隨著啖啖杞子藥材味
到主角啦 一碗5粒脹卜卜嘅雲吞
入面包咗幾種香菇同埋羊肚菌 所以香氣特別濃郁
可以揀辣/唔辣 因為朋友唔食得辣所以就嗌咗前者
無諗過原來另上嘅醬汁係辣嘅
質地超級濃稠 辣味會慢慢湧上嚟 都幾有層次感
Mean Green Croquettes
$68
520 views
0 likes
0 comments
外皮薄薄一層好酥脆 食多幾粒都唔會油膩
一開始諗住會好似普通薯波波咁 點知係滿滿嘅豆蓉啊！！
感覺似混合咗墨西哥香料 香氣濃郁又好易入口
除咗綿密嘅豆蓉之外仲夾雜咗啲青豆粒 平時唔鍾意食青豆嘅我都食咗幾粒🤣
紅菜頭腰果醬螢光粉紅色已經好吸睛
質感綿密絲滑毫無顆粒感
Feeling Chia-Full?
$78
42 views
0 likes
0 comments
🫐Berrie-colate
呢款甜品亦毫不馬虎
先係一層雜莓蓉 上面一層奇亞籽一層雜莓蓉再一層奇亞籽
最頂頂就放滿咗藍莓 黑莓 穀物同埋朱古力碎
顏值高 健康又飽肚
唯一小挑剔係麻麻哋佢用咗椰奶配搭奇亞籽
個人更鍾意杏仁奶或者脫脂奶嘅味道 同樣唔鍾意椰奶嘅朋友就要注意啦～
Post
