Uptop Bistro and Bar (Closed)

今次係我為左慶祝朋友生日嘅一個下午茶。睇到Uptop 又有摩天輪又有靚景岩哂我朋友中意浮誇嘅性格就揀左佢。一坐低，係附窗邊嘅街景位，服務員已經好好服務，又有介紹。Tea set一上黎，我地未開口，女服務員立刻幫我地執靚啲位，又係咁幫我地影合照。重點係，佢影得又好靚😂😂😂依個服務簡直滿分。野食方面生日朋友佢有個窩夫送嘅，個個我無影低，係花生（？）雪糕+窩夫，幾好食。反而咸食幾好。甜食就一般，可能我唔食咁甜。預左係為影呃like 相，所以無期望過會好好食。佢個漢堡幾juicy, 雞翼小辣而好食。雞粒辣辣地會keep 住好想食落去🤤Ham 個配合都ok, 魚我就唔食嘅，所以無意見。個紅豆抹茶布甸都唔錯。其他就對我黎講甜左少少。我地大約3:45到場，5點左右佢地要落場。同我朋友傾傾心事，係繁華鬧市中，有個寧靜悠閒時光，真係幾舒服。依個服務員打黎confirm 嘅時候已經清楚講左，同埋佢地依家有優惠～埋單有折，有興趣嘅朋友可以去試下。