Error19 夢幻烤魚場 (Closed)

上網見到餐廳嘅裝潢，少女心即刻出晒嚟已經好想試😍終於夾到時間同朋友一齊嚟朝聖💕香濃蕃茄烤魚 清江魚 見嗌咗咁多其他辣嘅小食，就叫呢一款清清地嘅蕃茄烤魚，食落去湯底超濃郁，滿口都係蕃茄蓉，條魚烤得啱啱好，所以魚肉依然嫩滑，食落去魚肉吸晒蕃茄湯嘅精華，超推介！🍅麻辣豬大腸嚟到呢一間麻辣店，梗係要叫下最地道嘅豬大腸！愛辣嘅我覺得辣度啱啱好，軟淋淋好入味👍🏻炸小饅頭 難得見到有得叫就即刻點咗你試吓，小饅頭炸得啱啱好， 再點少少煉奶，外脆內軟，係回憶中嘅味道🥹B 仔翼尖見到個名即刻諗返起元朗嘅B仔🤣同樣都係因為雞翼尖而為人所聞🤣食落對於愛辣嘅我嚟講算微辣，都幾入味👍🏻